Tuesday, July 29, 2008
Adunay mga butang nga usahay di nato masabtan, mga butang nga di katuohan og mga butang nga wa nato damha nga naa na diay sa atong kiliran..andam na ba ka nga saksihan ang mga butang nga KATINGAD-AN!?...
sama niini------->
Usa kini sa mga katingad-ang panghitabo nga nahiaguman sa usa ka daga niadtong nilabay nga sabado sa CYO gym sa sulod sa tulunghaan sa Holy Cross College of Davao, ang maong daga uban sa iyang higala nag tan-aw og usa ka pasundayag (wa ko kablo..hehehe) nga gilambigitan sa pipila ka mga estudyante sa maong tulunghaan,ngit2x ang maong lugar, sa tumang kalipay o di ba kaya sa ilang ka-alegre nga nag tan-aw sa pasundayag, naka huna2x sila nga magpa hulagway, og sa dihang ila na kining lantawon, kalit na lamang silang nahikurat sa ilang nakita, og diha2x dayon, nakuyapan ang usa sa mga daga (ang ma-klaro nga dagway) kay wa sila/siya magdahum nga ing-ana ang mahitabo sa iyang dagway human kini makuhaan og litrato. Daku nilang katingala kung nganong nahitabo kato, daku nilang katahap sa ilang nasaksihan...hantod karon usa ka dakung "NGANO?" ang nagpabilin nga nagatukaw sa ilang alimpatakan, kung unsa ba gayud ang rason kung diin mismo sila wa masayod..nga nagpabiling KATINGAD-AN!...awWwooooooo!!!(ulang sa iro)
Kung inyong tan-awon og pag-ayo ang maong larawan, aduna kay makita nga 2 (duha) ka imahe ang usa kay ang klaro ng dagway sa daga (tuong bahin) og ang usa kay ang dagway sa usa ka patayng tawo..apan katingad-an kay kung imong tutukan og maayo, halos parehas ra sila og dagway sa larawan sa tuong bahin gani lamang mura na kini daw patay nga minsapaw sa dagway sa iyang kauban. Unsa kahay buot ipasabot niini!? Kana ang wa ko masayri....
(tinood og way bakak ang maong panghitabo og tungod niini nag-halad og pag-ampo ang tibuok banay sa HCDC sa maong gym, og hantod karon padaun nga gina-counselling ang maong daga, tungod sa trauma nga iyang nahiaguman, duna pa kanay 2 ka hulagway pero wa pa sa akong mga kamot..iapas ko na lamang)
Hugot nga pag-ampo sa labawng makagagahum ang atong bugtong armas para malikayan og masuta nato ang susamang mga KATINGAD-AN nga panghitabo da atong kinabuhi! Dalaygon ang DIYOS...
Salamat kay John Ymana sa paghatag sa maong litrato!
